Дауаханаларға – яңы санитар автомобилдәр

Бөгөн, 20 мартта, Башҡортостан Башлығы хакимиәте етәксеһе Максим Забелин республикабыҙҙың 37 ҡала һәм районы дауаханаларының, поликлиникаларының баш табиптарына төрлө модификациялы 65 яңы санитар автомобилдәренең асҡысын тапшырҙы.

“Бөгөн медицина ойошмаларына беренсел звено өсөн LADA Granta базаһында үҙҙәрен яҡшы яҡтан күрһәткән автомобилдәр генә түгел, тиҙ ярҙам машиналары ла бирелә. Шулай уҡ профилактика звеноһы ла ҙур автопарк: күсмә ФАП-тар, медицина тикшереүе өсөн комплекстар ала. Һуңғы видеоселектор кәңәшмәһендә Рәсәй һаулыҡ һаҡлау министры Михаил Мурашко пандемияға ҡаршы яҡшы көрәшкән, ғүмер оҙонлоғон арттырыу буйынса алда барған барған биш төбәк иҫәбендә республикабыҙҙы ла атап үтте. Беҙ шулай уҡ медиктарыбыҙҙың нисек эшләүен, Донбасс халҡына нисек ярҙам итеүен дә күрәбеҙ. Беҙҙең автопаркыбыҙ быйыл тағы ла яңыртыласаҡ”,  – тине Максим Забелин.

Фото: “Башинформ”.