Эштең яртыһы үтәлгән

Өфөлә “Хәүефһеҙ һәм сифатлы юлдар” милли проекты буйынса 2021 йылда башҡарыласаҡ йүнәтеү һәм төҙөү эштәре 50 процентҡа башҡарылған.

#миллипроект #нацпроект #национальныепроектыБашкортостан

Парк урамында капиталь ремонт тамамланған, Һәҙиә Дәүләтшина бульвары буйынса техник юл да асылған.

Әле Комсомол, Галле ҡалаһы урамдарында капиталь ремонт бара. Эштәрҙе 2021 йылдың октябрь айында тамамлау ҡаралған.

БР Транспорт һәм юл хужалығы министрлығының матбуғат хеҙмәте хәбәр итеүенсә, төҙөкләндереү миҙгеле аҙағына Өфөлә 22 юл участкаһында төҙөү-йүнәтеү эштәре башҡарыласаҡ.

Фото – БР Транспорт һәм юл хужалығы министрлығының матбуғат хеҙмәте.