Сәләмәтлекте һаҡлау өсөн

Саҡмағош районында алты модулле фельдшер-акушер пункты төҙөү ҡарала. Ҡалмашбаш ауылында тәүге ФАП һалына башлаған да инде.

#миллипроект #нацпроект #национальныепроектыБашкортостан

Ай дауамында Тайнаш, Имәнлеҡул, Ҡарғалы, Ҡашҡар, Иҫке Үҙмәш ауылдарында ла ФАП-тар барлыҡҡа килеүе көтөлә, тип белдерә БР Һаулыҡ һаҡлау министрлығының матбуғат хеҙмәте.

Бер медицина ойошмаһының майҙаны 68,4 квадрат метр тәшкил итә. Ҡалмашбашта 600 кеше хеҙмәтләндерелә.

– ФАП төҙөгәндә заманса технологиялар ҡулланыла. Шуға ла ул бер нисә көндә һалына. Шулай уҡ учреждениеның эргәһен төҙөкләндереү ҙә ҡарала. Бында автомобиль ҡуйыу, килеп туҡтау урындары ла булыр, тип көтөлә, – ти Саҡмағош  үҙәк район дауаханаһының баш табибы Алина Латипова.

Алты ФАП өсөн федераль бюджеттан 19,2 миллион һум аҡса тотоноу ҡаралған. Фельдшер-акушер пункттары “Һаулыҡ һаҡлау” милли проекты сиктәрендә төҙөлә.