Яр буйы матурлана

Салауат ҡалаһында Ағиҙел ярын реконструкциялау дауам итә. Сәләмәт тормош рәүеше алып барыусылар был урынды яратып өлгөргән дә инде. Улар спорт менән шөғөлләнеү өсөн көн һайын ошонда йыйыла.

#миллипроект #национальныепроекты #нацпроекты #нацпроектыБашкортостан

Әле урам тренажерҙары ҡуйылған, резина япма йәйелгән. Ер эштәре башҡарылған, инженер селтәрҙәре үткәрелгән. Стационар булмаған сауҙа объекттары өсөн урындар әҙерләнә, тип хәбәр итә Салауат ҡалаһы хакимиәтенең мәғлүмәт-аналитика бүлеге.

“Эштәр графикка ярашлы алып барыла. Подрядсы һәм проектлаусылар менән даими бәйләнештәбеҙ, килеп сыҡҡан мәсьәләләрҙе тиҙ арала хәл итәбеҙ. Тиҙҙән яр буйы һәр кемде саҡырып торған үҙәккә әйләнер”, – ти Салауат ҡалаһы хакимиәте башлығы Игорь Миронов.

Эштәр “Торлаҡ һәм ҡала мөхите” милли проекты сиктәрендә алып барыла.

Фото – Салауат ҡалаһы хакимиәтенең мәғлүмәт-аналитика бүлеге.