Ташламалы ипотеканың шарттары үҙгәрә

Процент ставкаһы 7-гә күтәрелә, ә кредит суммаһы 3 миллиондан да юғары булырға тейеш түгел.

Иҡтисади көрсөккә ҡаршы саралар программаһы сиктәрендә түбән ставкалы ипотека Президент Владимир Путин тәҡдиме менән былтыр яҙ индерелгәйне. Әле үҙгәртелгән шарттар 2022 йылдың 1 июленә тиклем үҙ көсөндә буласаҡ.

Аналитиктар фекеренсә, 3 миллион һум лимит ҡуйылыуы ипотека портфеленең Мәскәү һәм Санкт-Петербургтан ситтә, йәғни төбәктәрҙә тулыланыуына килтерәсәк. Шулай уҡ торлаҡ баҙарында хаҡтарҙың тотороҡланыуына ла иҫәп бар. Сөнки түбән ставкалы кредит хаҡтарҙың күтәрелеп китеүенә сәбәпсе булғайны.