Вирус тағы 120 кешелә табылған

Бөгөнгө көндә ковид-госпиталдәрҙә 218 сырхау коронавирусҡа ҡаршы дауалана. 33-өнөң хәле ауыр, тип хәбәр итә табиптар, икәүһе яһалма һулыш аппаратына тоташтырылған.

Участка терапевы күҙәтеүе аҫтында өйҙә дауаланыусылар – 1 432.

Тәүлек эсендә 119 кеше, сирҙе еңеп, дауахананан сыҡҡан. Һауығыусылар йәмғеһе – 38 205.

Ҡыҙғанысҡа ҡаршы, шәфҡәтһеҙ сир ҡорбандары көн дә арта бара. Йәнә өс үлем осрағы теркәлгән. Пандемия башланғандан алып республикала ковидтан вафат булыусылар – 571.

Пневмонияға ҡағылышлы мәғлүмәттәр түбәндәгесә: аҙаҡҡы 24 сәғәттә үпкә ялҡынһыныуы 109 ауырыуҙа табылған, унан сәләмәтләнеүселәр – 110.

.