Әбйәлилде болон күбәләге баҫҡан

Ҡоролоҡ, ағас ҡорто, ҡара сиңерткә... Әле килеп, Әбйәлил районына болон күбәләге ябырылған. Республиканың Ғәҙәттән тыш хәлдәр хеҙмәтенән хәбәр итеүҙәренсә, ошо сәбәпле районда ғәҙәттән тыш хәл иғлан ителгән.

Болон күбәләге – ауыл хужалығы культураларына ҙур зыян килтереүсе бөжәк. Уның ҡарышлауыҡтары үҫемлектең япраҡтарын ғына түгел, һабаҡтарын да ашап ҡуя икән.

Ғәҙәттән тыш хәл айырым ҡарар ҡабул иткәнсе үҙ көсөндә ҡала.