+4 °С
Ясна
Антитеррор
Бөтә яңылыҡтар
Новости
21 Июнь 2021, 15:50

“Вакцинацияны тиҙләтергә кәрәк”

Хөкүмәттең бөгөнгө оператив кәңәшмәһендә коронавирусҡа бәйле хәлде тикшереүгә етди иғтибар бирелде. Башҡортостан Башлығы Радий Хәбиров республикала әлегә мотлаҡ вакцинация индерелмәүен билдәләне.

Хөкүмәттең бөгөнгө оператив кәңәшмәһендә коронавирусҡа бәйле хәлде тикшереүгә етди иғтибар бирелде. Башҡортостан Башлығы Радий Хәбиров республикала әлегә мотлаҡ вакцинация индерелмәүен билдәләне.
“Рәсәйҙең тиҫтәләгән төбәгендә мотлаҡ вакцинация иғлан ителде. Әлеге мәлдә беҙҙең республикала бер күрһәткес буйынса ла бындай ихтыяж юҡ. Минең шәхси позициям шундай: мотлаҡ вакцинация иғлан итергә теләмәҫ инем. Сөнки ул һәр кемдең үҙ эше, – тине республика етәксеһе. – Ләкин хәл-шарттар мәжбүр итһә, был аҙымға барыуыбыҙ ҙа мөмкин. Әлегә иһә бындай ихтыяж юҡ, яҡын киләсәктә булмаҫ та, тип ышанам. Әммә ҙур тырышлыҡ һалмаһаҡ, сир йоғоу сылбырын өҙә алмаясаҡбыҙ, коллектив иммунитет барлыҡҡа килмәйәсәк. Шуға күрә вакцинацияны тиҙләтергә кәрәк”.
Фото "Башинформ"дан алынды.
Автор:Альмира Кирәева
Читайте нас: