“Барҙа йыйыны” байрамы

Ғәйнә ырыуы ерендә "Барҙа йыйыны" байрамы йыл һайын үткәрелә. Быйыл да ул гөрләп уҙҙы.

Байрамда Башҡортостандан да ҡунаҡтар ҡатнашты.

Сара ғәйнә башҡорттарынан сыҡҡан тарихи шәхес, улус старшинаһы, башҡорт депутаты һәм сәнәғәтсе Туҡтамыш Ишбулатовтың бюсы алдына сәскә һалыу менән асылды. Ғәйнә ырыуының ҡор башы, Барҙа ауылының имам-хатибы Марат Мозафаров ҡунаҡтарҙы ауылдың тарихы, иҫтәлекле урындары менән таныштырҙы. Пермь крайының Барҙа районында урынлашҡан Барҙа тыуған яҡты өйрәнеү музейы башҡорт тирмәһен ҡуйҙы.

Башҡортостан мәҙәниәт министры урынбаҫары Рәнис Алтынбаев республикабыҙ Башлығы Радий Хәбиров исеменән ҡотлау һүҙҙәрен уҡып ишеттерҙе. Шулай уҡ Башҡортостан делегацияһы составында йыйында Тәтешле районы хакимиәте башлығы Фәнүр Шәйхисламов, Туймазынан Хаят һәм Альберт Исмаиловтар ҡатнашты. Нефтекама дәүләт филармонияһы артистары үҙҙәренең сағыу сығыштары менән сараға йәм өҫтәне. Йыйын халыҡ күңеленә нур һипкән байрам булып хәтерҙә ҡалды.