Иртәнге һигеҙҙә вакцинациялау буйынса брифингты ҡарағыҙ!

Башҡортостан пандемияның өсөнсө тулҡынын ҡаршы алырға йыйына. Хәл бик етди: илдең төрлө төбәктәрендә ҡәтғи сикләүҙәр индерелә. Башҡортостан Башлығы оператив штабтың кәңәшмәһен үткәрҙе һәм уның йомғаҡтары буйынса бер нисә етди ҡарар ҡабул ителде. Ни өсөн прививка яһатырға кәрәк? Сауҙа үҙәктәренә, ресторандарға һәм кинотеатрҙарға барыу ни рәүешле ойоштороласаҡ? Мәктәптәрҙә сығарылыш кисәләре булырмы? Коронавирусҡа ҡаршы өс вакцинаның айырмаһы нимәлә? Вирустың яңы штамдары ни кимәлдә ҡурҡыныс? Ошо һәм башҡа һорауҙарға Башҡортостан Юлдаш телеканалында тура эфирҙағы брифингта студия ҡунаҡтары яуап бирәсәк.