Өфөлә Яҙылыусылар көнө республика байрамы үтәсәк

Ышаныслы сығанаҡтарҙан мәғлүмәт алғығыҙ киләме? Республикалағы, райондарҙағы һәм ҡалаларҙағы хәлдәр тураһында хәбәрҙар булырға теләйһегеҙме? Башҡортостаныбыҙҙа тормошто яҡшы яҡҡа үҙгәрткән, яңы эш урындары булдырған, балаларҙы уҡытҡан, дауалаған, юлдар төҙөгән, иген иккән кешеләрҙе танып-белгегеҙ киләме?

Фейк яңылыҡтарҙан арыныр, Башҡортостандағы объектив тормош күренештәрен күрер, ваҡиғалар ағымын күҙәтеп барыр өсөн – республика баҫмаларын уҡығыҙ!

Байрамға ҡунаҡҡа республикала билдәле шәхестәр саҡырылған. “Китап” нәшриәте баҫмаларын, халыҡ кәсептәре тауарҙарын һатып алырға мөмкин буласаҡ.

Иң мөһиме – һеҙ сара барышында республика гәзит һәм журналдарына яҙыла алаһығыҙ. Уларҙың күбеһе үҙенә ышанысты 100 йыллыҡ тарихы менән иҫбатлаған! “Башҡортостан”, “Республика Башҡортостан”, “Ҡыҙыл таң”, “Йәшлек”, “Өмөт” гәзиттәре, “Ағиҙел”, “Башҡортостан ҡыҙы” , “Ватандаш”, “Шоңҡар”, “Аманат”, “Аҡбуҙат” журналдары – Башҡортостан Республикаһы менән тығыҙ бәйләнгән брендтар ул!

Күңелгә ятышлы яңылыҡ – байрамда, республика баҫмаларына яҙылып, һеҙ ҡыйбатлы бүләктәр – телевизор, тулҡынлы мейес, мультибешергес отошонда ҡатнаша алаһығыҙ.

Байрма 11.00 сәғәттә башлана. Юғары кәйеф менән килегеҙ, үҙегеҙ менән дуҫтарығыҙҙы ла алығыҙ! Социаль селтәрҙәрҙә буласаҡ сара тураһында яҙығыҙ һәм уны #деньподписчика #подпишисьсейчас #подпишисьнарбсми хэштегтары менән билдәләгеҙ.