Хеҙмәткә һәм оборонаға әҙерҙәр

#миллипроект #нацпроект #национальныепроектыБашкортостан

Спорт майҙансығы “Демография” милли проектының “Спорт – йәшәү рәүеше” төбәк проекты сиктәрендә булдырылған.

Майҙансыҡта Борай районының хеҙмәт коллективтары өсөн “Хеҙмәткә һәм оборонаға әҙер” Бөтә Рәсәй физкультура-спорт комплексы фестиваленә старт бирелде. Был көндө ГТО нормативтарын Рәсәй Граждандар оборонаһы эштәре, ғәҙәттән тыш хәлдәр һәм стихиялы бәлә-ҡазалар эҙемтәләрен бөтөрөү буйынса министрлығының янғынға ҡаршы көрәш федераль хеҙмәте 26-сы отрядының 72-се янғындан ҡотҡарыу часы хеҙмәткәрҙәре тапшырҙы, тип хәбәр итә Борай районы хакимиәтенең мәғлүмәт-аналитика бүлеге.

“Сара күңелле барҙы. Янғындан ҡотҡарыу часы хеҙмәткәрҙәренең яҡшы физик формала булыуын күреү күңелгә ятты”, – ти Балалар һәм үҫмерҙәр спорт мәктәбе белгесе Гүзәл Ғибәҙуллина.

Фото – Борай районы хакимиәтенең мәғлүмәт-аналитика бүлеге.