Бөгөн, 27 майҙа, “Йәшел сауҡалыҡ” шифаханаһында “ХХI быуат яҙыусыһы” Төбәк-ара форум үҙ эшен башлай.
Ул Башҡортостан Башлығы грантына үткәрелә. Ике көн дауам итә. Форум сиктәрендә мастер-кластар, фекер алышыу майҙансыҡтары эшләйәсәк. Уларҙа әҙәбиәт тәнҡите, балалар-үҫмерҙәр әҙәбиәте, матбуғат эше, драматургия проблемалары тикшереләсәк.
Сараны асыу тантанаһында Республика Башлығы хакимиәте, Хөкүмәт, Дәүләт Йыйылышы – Ҡоролтай вәкилдәренең ҡатнашыуы көтөлә. Форум эшенең икенсе көн программаһында Башҡортостан Башлығы Радий Хәбиров менән осрашыу ҡаралған.
Бөгөнгө көндә Башҡортостан яҙыусылар берлегендә өс йөҙгә яҡын яҙыусы, шағир, тәржемәсе һәм драматург тора.