Көндәрҙең май айына хас булмаған эҫелеге һаулыҡ өсөн зыян килтереүе ихтимал.
Гидрометцентр хеҙмәтенең ғилми етәксеһе Роман Вильфанд килтергән мәғлүмәттәргә ҡарағанда, Башҡортостанда ультрафиолеттан нурланыу индексы 6-7-гә барып етә. Ул ҡояш нурҙарының хәүефле булыуын күрһәтә.
“Төшкә табан, ҡояш юғарыла булғанда, асыҡ һауала йөрөмәҫкә, йә ҡулдарҙы ла ҡаплап торған кейем кейергә кәрәк”, - ти ғалим.
Ультрафиолеттан нурланыу ҡурҡынысы бигерәк тә республиканың көньяҡ райондарында юғары.