Ауыр хәлдәгеләр тағы артҡан

Республика дауаханаларында әле 130 яҡташыбыҙ ковид инфекцияһына ҡаршы көрәшә. Шуларҙың 16-һы ауыр хәлдә (йома көнө улар 11 ине).

Республика дауаханаларында әле 130 яҡташыбыҙ ковид инфекцияһына ҡаршы көрәшә. Шуларҙың 16-һы ауыр хәлдә (йома көнө улар 11 ине), өсәүһе яһалма һулыш аппараты ярҙамында тын алырға мәжбүр. Өйҙәрендә дауаланыусылар – 1 701.

17 майға ҡарата Башҡортостанда коронавирус йоҡтороусылар барлығы 36 950 иҫәпләнә. Тәүлек эсендә 90 яңы ауырыу өҫтәлгән.

Аҙаҡҡы тәүлектә 107 кеше, был яһил вирустан ҡотолоп, стационарҙан сыҡҡан. Һауығыусыларҙың дөйөм һаны – 34 629.

Үкенескә күрә, пандемия ҡорбандары тағы икәүгә артып, 490-ға еткән.

Дауахананан тыш пневмония үткән тәүлектә 130 сырхауҙа асыҡланған, унан сәләмәтләнеүселәр – 97.

Автор:Альмира Кирәева

Читайте нас: