Хеҙмәткә һәм оборонаға әҙерһеңме?

12 майҙа старт алған сара ГТО Бөтә союз комплексы ойошторолоуға 90 йыл тулыуға арналған. Ул “Динамо” базаһында үтә һәм 16-на тиклем дауам итәсәк. Ярыштарҙа Рәсәйҙең 29 төбәгенән 39 команда ҡатнаша. Йәмғеһе - 25-тән 59 йәшкә тиклемге 400 кеше.

Фестиваль Рәсәйҙең Спорт министрлығы “Демография” милли проектының “Спорт – йәшәү нормаһы” федераль проекты сиктәрендә өсөнсө тапҡыр ойошторола.

Спортсылар түбәндәге ярыш төрөндә ҡатнаша: арҡала ятҡан килеш күтәрелеп ултырыу, ятҡан килеш 90 см бейеклектәге урҙаға тартылыу (ҡатын-ҡыҙҙыр өсөн), бейек урҙаға тартылыу/ 16 кг гер күтәреү (ирҙәр өсөн), ерҙән этенеп ҡулдарҙа күтәрелеү, аяҡтарҙы тура тотоп гимнастика скәмйәһендә билдән бөгөлөү, пневматик винтовканан терһәктәрҙе өҫтәлгә терәп ултырып һәм тороп атыу, 2000 һәм 3000 м аралыҡҡа йүгереү, эстафета.

Валерий Шахов фотоһы.