Ирекмәндәр ярҙам итә

26 апрелдә илдә 2022 йылда “Торлаҡ һәм ҡала мөхите” милли проектының “Уңайлы ҡала мөхите булдырыу” федераль проекты сиктәрендә төҙөкләндереләсәк йәмәғәт урындарын һайлау буйынса онлайн рәүештә тауыш биреү башланды.Өфөлә Дан бульварын (Блюхер урамынан алып Октябрь проспектына тиклем) һәм Муса Гәрәев скверын төҙөкләндерергә тәҡдим итәләр. #миллипроект #нацпроект #национальныепроектыБашкортостан

26 апрелдә илдә 2022 йылда “Торлаҡ һәм ҡала мөхите” милли проектының “Уңайлы ҡала мөхите булдырыу” федераль проекты сиктәрендә төҙөкләндереләсәк йәмәғәт урындарын һайлау буйынса онлайн рәүештә тауыш биреү башланды.

Өфөлә Дан бульварын (Блюхер урамынан алып Октябрь проспектына тиклем) һәм Муса Гәрәев скверын төҙөкләндерергә тәҡдим итәләр.

#миллипроект #нацпроект #национальныепроектыБашкортостан

Тауыш биреү ҡатмарлы түгел. Үҙ ҡалаңдағы йә төбәктәге йәмәғәт урынын йә дизайн проектын һайларға кәрәк. Быны “Дәүләт хеҙмәттәре” порталында раҫланған яҙма йә раҫланған телефон номеры аша https://2.gorodsreda.ru/ платформаһында, шулай уҡ “Дәүләт хеҙмәттәре” порталында башҡарып була.

Тауыш бирергә проекттың ирекмәндәре ярҙам итә. Өфө ҡалаһы хакимиәтенең матбуғат хеҙмәте хәбәр итеүенсә, волонтерҙар баш ҡаланың 14 мәғлүмәт нөктәһендә тора:

“Эврика” йәштәр үҙәгендә,

“Затон” сауҙа үҙәгендә,

“Ҡашҡаҙан” мәҙәниәт һәм ял паркында,

“Искра IMAX” кинокомплексы алдында,

“Ирәмәл” сауҙа үҙәгендә,

“Ҡунаҡһарай” сауҙа үҙәгендә,

“Радуга-Экспо” сауҙа-күргәҙмә комплексында,

“Акварин” сауҙа-ял итеү комплексында,

“Аркада” сауҙа комплексында,

“Семья” сауҙа-ял итеү комплексында,

Дим мәҙәниәт һәм ял паркында,

1 Май исемендәге тимер юлсылар мәҙәниәт йортонда,

С.Орджоникидзе исемендәге майҙанда,

“Меркурий” сауҙа үҙәгендә.

Тауыш биреү тураһында һорауҙарға яуапты 30 майға тиклем ошо берҙәм түләүһеҙ телефон һандары буйынса алырға була: 8 (800) 600-20-13.

Фото – Өфө ҡалаһы хакимиәтенең матбуғат хеҙмәте.

Автор:Гөлшат Ҡунафина

Читайте нас: