Китмәҫтәй булды ла һуң был сир

Бөгөнгө көндә дауаханаларҙа 183 яҡташыбыҙ яһил сиргә ҡаршы көрәшә. Шуларҙың 33-ө ауыр хәлдә, алтауһы яһалма һулыш аппаратына тоташтырылған. Участка табибы күҙәтеүе аҫтында өйҙәрендә дауаланыусылар – 2 532.

Үткән 24 сәғәттә 251 кеше, инфекцияны еңеп, дауахананан сыҡҡан. Коронавирустан һауығыуға өлгәшеүселәр йәмғеһе – 31 260.

Ҡыҙғанысҡа ҡаршы, аҙаҡҡы тәүлектә ковид йоҡторған йәнә бер ауырыу вафат булған. Шәфҡәтһеҙ вирустан өҙөлгән ғүмерҙәр 422-гә етте.

Дауахананан тыш пневмонияға килгәндә, кисәле-бөгөнлө ул 129 сырхауҙа асыҡланған, 137 кеше, унан сәләмәтләнеп, стационарҙан ҡайтҡан.