Башҡортостанда 95 мең кеше коронавирусҡа ҡаршы вакцинаның ике компонентын да яһатҡан. 132 мең яҡташыбыҙ уның тәүге компонентын алған. Был турала республика Хөкүмәтенең оператив кәңәшмәһендә вице-премьер – һаулыҡ һаҡлау министры Максим Забелин хәбәр итте.
Республикала вакцинациялау буйынса 134 стационар пункт һәм биш мобиль пункт эшләй. Шуларҙың дүртәүһе Өфөлә: Башҡорт дәүләт опера һәм балет театры бинаһында, “Мега”, “Планета”, “Башкирия-Лайфстайл үҙәге” сауҙа үҙәктәрендә урынлашҡан, берәүһе Стәрлетамаҡ ҡалаһының "СитиМолл" сауҙа үҙәгендә асылған.
“Тағы ла бер нисә мобиль пункт асыу күҙҙә тотола”, – тип өҫтәне Максим Забелин.
Фото "Башинформ"дан алынды.