Атаһы бер ай эҙләгән, ә улының кәүҙәһе ҡоҙоҡта ятҡан

Улының кәүҙәһе 19 мартта Ғафури районы Аҡкүл ауылында ҡоҙоҡ төбөндә табыла. Ул тураҡланған була. Енәйәттә ғәйепләнеп, ошо ауылда йәшәгән 39 йәшлек ҡатын ҡулға алынған.

Асыҡланыуынса, ир был ҡатынға йыш килеп йөрөгән. Ул көндө улар кәйеф-сафа ҡорған. Һүҙ сығып, көнләшеү нигеҙендә араларында ғауға ҡуба. Низағ ваҡытында ҡатын уҡлау менән һөйәренең башына һуға. Ир шул ерҙә йән бирә. Мәйет ике көн өйҙә ята, әхирәтенең кәңәше буйынса, ҡатын, кәүҙәне балта менән турап, төнөн ташландыҡ ҡоҙоҡҡа ташлай.

Ҡатынға ҡарата енәйәт эше ҡуҙғатылған, тикшереү эше дауам итә.