Стәрлетамаҡ йәштәре тупланды

#миллипроект #нацпроект #национальныепроектыБашкортостан

Форумда ҡатнашыусыларҙы ҡала хакимиәте башлығы Гүзәл Ситдиҡова тәбрикләне. Бындай саралар ҡаланың йәштәр ойошмалары менән танышыуға, тәжрибә туплауға булышлыҡ итә, тип билдәләне ул.

“Йәштәрҙең мөмкинлеге” беренсе ҡала йәштәр форумы барышында ҡатнашыусылар лекциялар тыңлай, тренингтар, оҫталыҡ дәрестәре үтә.

Сара Өфө дәүләт нефть техник университетының Стәрлетамаҡ филиалында бара.

Форум “Мәғариф” милли проектының “Социаль әүҙемлек” проекты сиктәрендә ойошторолған.

Фото – Стәрлетамаҡ ҡала хакимиәтенең матбуғат хеҙмәте.