-24 °С
Болотло
Антитеррор
Бөтә яңылыҡтар
Новости
17 Март 2021, 09:50

Өфөлә торбаларҙы ремонтлағанда ике кешенең баш һөйәге табылған

Өфөлә Матбуғат йорто янында эшселәр көтөлмәгән «табыш»ҡа юлыҡҡан.

Өфөлә Матбуғат йорто янында эшселәр көтөлмәгән «табыш»ҡа юлыҡҡан.
«Уфимский фейсбук» тelegram-каналы хәбәр итеүенсә, торбаларҙы ремонтлау менән шөғөлләнгән ирҙәр ерҙә ике кешенең баш һөйәген тапҡан. Уларҙы ҡасан табыуҙары тураһында хәбәр ителмәй.
Билдәле булыуынса, элек был урында Ново-Иваново зыяраты урынлашҡан булған. mozaika.ufa-lib.ru сайты мәғлүмәттәре буйынса, ул уҙған быуат башында ҡала биләмәһенән ситтә барлыҡҡа килгән. Өфөләге билдәле ғаиләләрҙең бик күп вәкилдәре ошонда ерләнгән.
1960 йылдарҙа ҡәберлек ябылған, ә мәйеттәрҙең ҡайһы берҙәре икенсе ергә күмелгән. Элекке зыярат биләмәһендә хәҙер завод корпустары, күңел асыу комплексы, Йәштәр һарайы һәм Еңеүҙең 50 йыллығы скверы тора.
"Башинформ" мәғлүмәт агентлығы.
Читайте нас в