Алексей Касьянов – Башҡортостан буйынса Баш федераль инспектор

Кисә Рәсәй Президентының Волга буйы федераль округындағы тулы хоҡуҡлы вәкиле Игорь Комаров видеоконференция режимында үткән кәңәшмәлә Башҡортостан буйынса яңы Баш федераль инспекторы тәғәйенләнеүе тураһында белдерҙе.

Кисә Рәсәй Президентының Волга буйы федераль округындағы тулы хоҡуҡлы вәкиле Игорь Комаров видеоконференция режимында үткән кәңәшмәлә Башҡортостан буйынса яңы Баш федераль инспекторы тәғәйенләнеүе тураһында белдерҙе.

Был вазифаны Башҡортостан Республикаһының Ведомство-ара йәмәғәт хәүефһеҙлеге секретары Алексей Касьянов биләне. Ул Михаил Закомалдинды алмаштырҙы.

Алексей Анатольевич Касьянов 1975 йылдың 24 майында Өфөлә тыуған. Башҡорт дәүләт университетын тамамлаған. Хеҙмәт юлын 1996 йылда Өфөнөң Калинин районы прокуратураһында өлкән тәфтишсе булып башлай. 1997 – 2002 йылдарҙа Өфө прокуратураһында тәфтишсе, һуңынан өлкән тәфтишсе була. 2002 – 2006 йылдарҙа – Башҡортостан прокуратураһының айырыуса мөһим эштәрҙе тикшереү бүлегендә тәфтишсе, 2004 – 2006 йылдарҙа – ошо бүлектең начальнигы, 2006-2007 йылдарҙа Башҡортостан Республикаһы прокуроры урынбаҫары, 2007 – 2015 йылдарҙа – Рәсәй Тәфтиш комитетының Башҡортостан буйынса Тәфтиш идаралығы етәксеһе, 2015-2016 йылдарҙа Башҡортостан Хөкүмәте Аппараты етәксеһе урынбаҫары вазифаларын биләй.

Читайте нас: