-6 °С
Болотло
Антитеррор
Бөтә яңылыҡтар
Новости
5 Март 2021, 16:02

Көн дә өс меңдән ашыу кеше ковидтан прививка яһата

Вакцинация – коронавирусҡа ҡаршы көрәштә төп сара булып тора һәм был зәһәр инфекциянан прививка яһатыусылар артҡандан-арта. Башҡортостанда көн һайын 3,5 меңгә тиклем кеше COVID-19-ҙан вакцина эшләтә.

Вакцинация – коронавирусҡа ҡаршы көрәштә төп сара булып тора һәм был зәһәр инфекциянан прививка яһатыусылар артҡандан-арта. Башҡортостанда көн һайын 3,5 меңгә тиклем кеше COVID-19-ҙан вакцина эшләтә.
Республикаға әле барлығы 122,6 мең доза Гам-КОВИД-Вак вакцинаһы килгән.
“5 мартҡа ҡарата вакцинаның тәүге компонентын 93 меңдән ашыу кеше алған, икенсе компонентын яһатыусылар 39 меңдән артҡан”, – тип хәбәр итәләр Башҡортостан Һаулыҡ һаҡлау министрлығынан. Министрлыҡ шулай уҡ, республика күмәк вакцинацияға тулыһынса әҙер, тип билдәләй.
Хәтерегеҙгә төшөрөп китәбеҙ: коронавирустан прививка эшләтеү өсөн Дәүләт хеҙмәттәре порталы аша, “Табипҡа” мобиль ҡушымтаһы ярҙамында йәки БР докторы республика сайтында, колл-үҙәктең берҙәм телефоны буйынса (1301 һәм 122), үҙ поликлиникағыҙ регистратураһында, шулай уҡ Ковидҡа ҡаршы ситуация үҙәгенә шылтыратып (тел. 218-19-19) яҙылырға мөмкин.
Фото БР Һаулыҡ һаҡлау министрлығы сайтынан алынды.
Автор:Альмира Кирәева
Читайте нас в