“Башҡортостан шишмәләре”ндә ҡатнашығыҙ

#миллипроект #нацпроект #нацпроектыбашкортостан #зеленаябашкирия

Проекттың ҡиммәте – билдәле булған шишмәләрҙе генә һаҡлауҙа түгел, яңыларын эҙләүҙә, уларҙы рациональ ҡулланыуҙа.

Проекттың өҫтөнлөклө йүнәлештәренең береһе булып шишмәләр менән ҡулланыу мәҙәниәтен күтәреү, халыҡҡа таҙа шишмә һыуын эсереү, республика халҡының ғүмер оҙонлоғон арттырыу тора. Былар “Экология” милли проектының “Уникаль һыу объекттарын һаҡлау” федераль проекты маҡсаттарына һәм бурыстарына тулыһынса тап килә.

Эштәр һыуҙың биологик составы, анализы, объекттың тарихи һәм мәҙәни ҡиммәте, шишмәнең торошо, туристарҙы йәлеп итеүе буйынса баһалана.

Конкурс һөҙөмтәләре “Йәшел Башҡортостан” йәмәғәт ойошмаһының сайтында һәм “Бәйләнештә” селтәрендәге төркөмөндә иғлан ителә.

Конкурс эштәрен [email protected]. электрон адресына йә Өфө ҡалаһы, Пушкин урамы, 95, 311 кабинет адресы буйынса почта аша ебәрергә мөмкин. Районды, ауылды күрһәтеп, темаһына “Башҡортостан шишмәләре” тип билдәләргә онотмағыҙ. Һорауҙар менән 89174783596 телефоны буйынса проект координаторы Рөстәм Сәйфетдиновҡа мөрәжәғәт итергә мөмкин.

Фото – БР Тәбиғәттән файҙаланыу һәм экология министрлығының матбуғат хеҙмәте.