+19 °С
Болотло
Антитеррор
Бөтә яңылыҡтар
Новости
1 Март 2021, 22:18

Тәүлек эсендә һауығыусылар сир йоҡтороусыларҙан күберәк

Республика Хөкүмәтенең сираттағы оператив кәңәшмәһендә, һәр ваҡыттағыса, коронавирусҡа бәйле хәлгә етди иғтибар бирелде.

Республика Хөкүмәтенең сираттағы оператив кәңәшмәһендә, һәр ваҡыттағыса, коронавирусҡа бәйле хәлгә етди иғтибар бирелде. Башҡортостанда 1 мартҡа ҡарата коронавирус йоҡтороусыларҙың дөйөм һаны 28 719 тәшкил итә. Аҙаҡҡы тәүлектә ауырыуҙар 138-гә артҡан. Был турала оператив кәңәшмәлә вице-премьер – һаулыҡ һаҡлау министры Максим Забелин белдерҙе.
Республикала коронавирустан йәмғеһе 23 007 кеше һауыҡҡан, шуларҙың 140-ы – аҙаҡҡы тәүлектә.
– Тәүлек эсендә һауығыусылар һаны вирус йоҡтороусыларға ҡарағанда күберәк – был хәл инде ун көн дауамында күҙәтелә, – тип билдәләп китте Максим Забелин.
Бөгөнгө көндә стационарҙа COVID-19-ҙан дауаланыусылар – 241, амбулатор шарттарҙа медицина ярҙамын 5 194 ауырыу ала. Кисәле-бөгөнлө республикала коронавирустан тағы дүрт сырхау вафат булған. Мәкерле инфекциянан донъя ҡуйған яҡташтарыбыҙ 277 иҫәпләнә.
Табиптар COVID-19-ға барлығы 2,5 миллиондан ашыу тест эшләгән.
– Республикабыҙҙа коронавирусты асыҡлаусы анализдарҙы эшләү яҡшы кимәлгә ҡуйылған. Беҙ был йәһәттән Волга буйы федераль округында, Түбәнге Новгород һәм Ырымбур өлкәләренән ҡала, өсөнсө урында торабыҙ, – тине республика етәксеһе Радий Хәбиров.
Башҡортостан Башлығы ҡушыуына ярашлы, ковид-госпиталдәр режимында эшләүсе дауаханаларҙы элекке эш форматына ҡайтарыу дауам итә. Мәҫәлән, йоғошло ауырыуҙар өсөн билдәләгән койкаларҙы 2 280-гә тиклем кәметкәндәр. Марттың тәүге яртыһында улар тағы 300-гә аҙайтыласаҡ. Әлеге мәлдә был койкаларҙың 18 проценты буш.
Автор:Альмира Кирәева
Читайте нас: