Республиканың Милли музейында - яңы директор

Хәҙер учреждениены Альбина Ярмуллина етәкләй. Хәтерегеҙгә төшөрәбеҙ, әлегә тиклем музейҙа Марат Зөлҡәрнәев директор ине.

Альбина Зөфәр ҡыҙы Ярмуллина элек Сибайҙың Тарих-тыуған яҡты өйрәнеү музейы директоры булды. Тарих фәндәре кандидаты. 2004 йылдан — СиБДУ-ның юридик факультетында тарих кафедраһы ассистенты, өлкән уҡытыусы, 2010-2014 йылдарҙа — тарих кафедраһы мөдире, дәүләт һәм хоҡуҡ теорияһы һәм тарихы кафедраһы доценты. 2015 йылдың ноябренән Сибай музейында эшләне.