Юл айырсаһында эштәр йылдам бара

Әле төҙөүселәр эшкә ҡамасаулаған элемтә кабелдәрен, һыу селтәрҙәрен ситкә сығарыу, свай ҡағыу менән мәшғүл. Проекта ҡаралған 51 свайҙың тағы 5-һен ҡағаһы бар. Юл айырсаһының нигеҙен һәм күпер өлөшө һалыуға бәйле Өфөгә ингән һәм ҡаланан сыҡҡан ерҙә 28 февралгә тиклем төнгө сәғәт 12-нән таңғы 5-кә тиклем транспорт хәрәкәте ваҡытлыса туҡтатыла. Шул уҡ ваҡытта Өфөгә ингәндә юлдың был участкаһын Сочи урамы аша, ә сыҡҡанда Зәки Вәлиди урамы аша урап үтергә мөмкин.

Мәғлүм булыуынса, реконструкцияланған юл айырсаһындағы хәл даими контролгә алынған, 10 светофорҙың, тәү сиратта Салауат Юлаев проспектында ҡуйылғандарҙың, эш тәртибенә төҙәтмә индерелгән. Бынан тыш, ошо участкалағы хәлде “Өфөнет” видеокамералары ярҙамында күҙәтергә була. Һылтанма: https://ufacity.info/most2021/cams/ .