Бөгөн – Афған һуғышы тамамланған көн

Шулай итеп, был хəрби хəрəкəт 9 йыл, 1 ай һəм 19 көн буйына бара. Интернациональ бурысын атҡарғанда 15 меңгə яҡын һалдат һəлəк була, 36 мең хәрби төрлө тән йәрәхәттәре ала, 312 һалдат хəбəрһеҙ юғала.

1989 йылдың 15 феврале һалдаттар һәм уларҙың ата-әсәләре, туғандары өсөн ҡыуаныс һәм шатлыҡ көнө була, сөнки ғазаплы һəм йонсотҡос һуғыш тамамлана. Шулай ҙа был көн ҡайғылы ла, сөнки бөтə һалдаттар ҙа тыуған еренə əйлəнеп ҡайта алманы.