-24 °С
Болотло
Антитеррор
Бөтә яңылыҡтар
Новости
8 Февраль 2021, 12:35

Йәш спортсылар майҙанға сыҡты

Кисә Шаран ауылындағы спорт-һауыҡтырыу комплексында киокушин каратэһы буйынса Салауат Юлаев исемендәге III халыҡ-ара интернациональ күнекмә йыйыны үтте.

Кисә Шаран ауылындағы спорт-һауыҡтырыу комплексында киокушин каратэһы буйынса Салауат Юлаев исемендәге III халыҡ-ара интернациональ күнекмә йыйыны үтте.
Башҡортостандан (Шаран, Туймазы, Ауырғазы, Шишмә райондарынан, Октябрьский ҡалаһынан) Татарстандан һәм Ырымбур ҡалаһынан дүрт йәштән 17 йәшкә тиклемге 300-ҙән ашыу көрәшсе ҡатнашты.
Пандемия арҡаһында был ярыштар кисектерелә килде. Ниһайәт, 7 февралдә спортсылар йөҙгә-йөҙ осрашты. Тәүҙә кесе йәштәгеләр сығыш яһаны, уларҙан һуң рингҡа үҫмерҙәр сыҡты. Турнирҙа ҡатнашыусыларҙы Шаран районы хакимиәте башлығы Фидан Ишемғолов, ”Рәсәй киокушин каратэһы союзы” физкультура-спорт ойошмаһының төбәк бүлексәһе етәксеһе Рөстәм Һабанғолов тәбрикләне.
Судья коллегияһы йәш чемпиондарҙан торҙо, улар көрәш ҡағиҙәләренең боҙолмауын иғтибар менән күҙәтте. Ярыш һөҙөмтәләре буйынса йәш спортсылар кубоктар, миҙалдар менән бүләкләнде.
Читайте нас в