Халыҡ менән осрашыуҙар була

Иртәгә, 31 ғинуарҙа, Өфө ҡалаһы райондарының хакимиәт башлыҡтары халыҡ менән осрашыуҙар үткәрә.

Иртәгә, 31 ғинуарҙа, Өфө ҡалаһы райондарының хакимиәт башлыҡтары халыҡ менән осрашыуҙар үткәрә.

Йылылыҡ өсөн түләү, урамдарҙы ҡарҙан таҙартыу, ҡаты көнкүреш ҡалдыҡтарын сығарыу, “Башҡортостан ихаталары” программаһын тормошҡа ашырыу, подъездарҙы ремонтлау, 2024 йылда Өфөнөң 450 йыллыҡ юбилейын билдәләүгә әҙерлек һәм башҡа көнүҙәк мәсьәләләргә ҡағылған һорауҙарға яуап алырға мөмкин буласаҡ. Осрашыуҙарҙа муниципалитет, идарасы компаниялар, йылылыҡ менән тәьмин итеүсе ойошмалар вәкилдәре һәм башҡа белгестәр ҡатнаша.

Сара һәр районда 12.00 сәғәттә башлана. Үткәреү урындары:

Дим биҫтәһендә - “Орион” ижад һарайында. Һорауҙарҙы алдан хакимиәт башлығының социаль селтәрҙәге сәхифәһенә, электрон почтаһына йәки (https://vk.com/ufa.dema?w=wall-146734230_35325) һылтанмаһына ҡалдырырға була;

Киров районында - Сәнғәт училищеһы бинаһында, Пушкин урамы, 103а адресы буйынса. (https://vk.com/wall-114809875_30476);

Ленин районында - Профсоюздар йортонда (https://m.vk.com/wall-42935307_44572);

Октябрь районында - “Нур” театрында (https://vk.com/wall10086479_2501);

Орджоникидзе районы – Ҡаланың мәҙәни-ял итеү үҙәгендә (https://vk.com/ordjon?w=wall-110509118_27298);

Совет районы - Комаров исемендәге балалар ижады һарайында (https://m.vk.com/wall533428847_1396).

Осрашыуҙар, санитар-эпидимиологик талаптарҙы иҫәпкә алып, ковидҡа ҡаршы көрәш инспекторҙары күҙәтеүе аҫтында үтәсәк.

Читайте нас: