Эш урынын һаҡлап ҡалғандар

#миллипроект #нацпроект #национальныепроектыБашкортостан

Стәрлетамаҡ районында урынлашҡан “Авангард” компанияһы БР бәләкәй һәм урта эшҡыуарлыҡты үҫтереү һәм ярҙам итеү агентлығының Төбәк гарантия фондына яуаплылыҡты өҫтөнә алыу өсөн мөрәжәғәт иткән. “Бәләкәй һәм урта эшҡыуарлыҡ һәм шәхси эшҡыуарлыҡ башланғысына ярҙам” милли проекты сиктәрендә ойошмаға 17 миллион һумдан ашыу кредит аҡсаһы йәлеп ителгән.

Башҡортостан Республикаһы эшҡыуарлыҡ буйынса дәүләт комитетының төп кәңәшсеһе Илгизәр Саньяров хәбәр итеүенсә, “Авангард” ойошмаһы малсылыҡ һәм үҫемселек менән шөғөлләнә. Предприятие 2010 йылдан алып эшләй. Уртаса һандарҙы алғанда, 180 хеҙмәткәре бар.

БР бәләкәй һәм урта эшҡыуарлыҡты үҫтереү һәм ярҙам итеү агентлығының Төбәк гарантия фонды тарафынан бер тапҡыр бирелә торған яуаплылыҡты өҫтөнә алыуҙың максималь суммаһы 25 миллион һум тәшкил итә. Уны алыу шарттары, документтар исемлеге һәм башҡа мәғлүмәтте www.gf-cmbrb.ru һылтанмаһы буйынса ҡарай алаһығыҙ. Мәғлүмәт өсөн телефон: 8 (347) 224-99-99.