Тигеҙлек билдәһе ҡуйыу тыйыла

Ҡайһы саҡ, Бөйөк Ватан һуғышы дәүере тураһында һүҙ сыҡҡанда, сит ил сәйәсмәндәре, бүтән ижтимаға-сәйәси эшмәкәрҙәр ҡанһыҙлыҡта Совет яугирҙәре менән вермахт һалдаттарын бер таҡтаға ҡуя. Ошо ғәҙел булмаған баһаға сик ҡуйыу маҡсатында Рәсәй Президенты Владимир Путин махсус закон ҡабул итергә кәрәклеген белдергән. Кремль сайтында билдәләнеүенсә, Дәүләт Думаһы үҙенең яҙғы сессияһында, ил етәксеһе тәҡдименә ярашлы, “1941 – 1945 йылдарҙағы Бөйөк Ватан һуғышында совет халҡының Еңеүен мәңгелләштереү тураһында” законға үҙгәрештәр индереү буйынса эш башлаясаҡ.