“Плато” тигәндәренә сыҡтыҡ”

Коронавирус мәсьәләһенә арналған бөгөнгө брифингта республиканың һаулыҡ һаҡлау министры Максим Забелин: “Әлеге мәлдә “плато” тигәндәренә сығыуыбыҙҙы әйткем килә”, – тине, тотороҡлоҡ кимәлендә булыуҙы билдәләп.

Коронавирус мәсьәләһенә арналған бөгөнгө брифингта республиканың һаулыҡ һаҡлау министры Максим Забелин: “Әлеге мәлдә “плато” тигәндәренә сығыуыбыҙҙы әйткем килә”, – тине, тотороҡлоҡ кимәлендә булыуҙы билдәләп.

26 ғинуарға ҡарата Башҡортостанда коронавирус инфекцияһын йоҡтороусылар 23 410 иҫәпләнә. Аҙаҡҡы тәүлектә вирус 168 ауырыуҙа табылған.

Стационарҙа дауаланыусылар һиҙелелерлек кәмегән: әле улар – 497. Ауыр хәлдәге 56 яҡташыбыҙ интенсив терапия бүлегендә ята, 18-е – яһалма һулыш аппаратында. Амбулатор шарттарҙа дауаланыусылар – 5 146.

Үткән тәүлектә, сирҙән ҡотолоп, дауахананан сығыусылар – 197. Инфекция тарала башланғандан бирле республикала йәмғеһе 17 591 кеше унан һауығыуға өлгәшкән.

Үкенескә күрә, тәүлек эсендә коронавирустан тағы бер яҡташыбыҙ вафат булған. COVID-19 ҡорбандары хәҙер 176-ға етте.

Үпкә ялҡынһыныуы диагнозы аҙаҡҡы тәүлектә 263 сырхауға ҡуйылған, кисәле-бөгөнлө был сирҙән сәләмәтләнеүселәр – 257.

Автор:Альмира Кирәева

Читайте нас: