Вирус йоғоу хәүефен кәметеүсе иң ябай ысул

“Коронавирус йоҡтороу ҡурҡынысын кәметеүсе иң ябай, анһат ысулдарҙың береһе – бүлмәләрҙе йыш елләтеп, һауа алмаштырып тороу”, – аллерголог-иммунолог Владимир Болибок Sputnik радиоһына биргән интервьюһында шулай ти.

Тынсыу һауа вируслы ауырыуҙар, шул иҫәптән коронавирус инфекцияһын йоҡтороу ҡурҡынысын бермә-бер арттыра. Һауа бысраҡ икән, ундай сирҙәрҙе үткәреү ҙә ауырлаша. Был турала Sputnik радиоһына биргән интервьюһында аллерголог-иммунолог Владимир Болибок әйтеп үтте.

“Коронавирус үпкәләргә ҙур зыян килтерә. Һауала кислород ни тиклем күберәк булһа, вируслы инфекцияларҙы, шул иҫәптән коронавирус сирен үткәреү шул тиклем еңелерәк”, – ти ул.

Шуға күрә табип һулаған һауабыҙҙың таҙалығына айырым иғтибар бирергә, бүлмәләрҙе йышыраҡ елләтергә кәңәш итә. Бигерәк тә ул йоҡо бүлмәләрендә саңды йыш һөртөү, һауа алмаштырып тороу кәрәклеген билдәләй.

Автор:Альмира Кирәева

Читайте нас: