"Өс таған"ды март айында көтөп ҡалабыҙ

Режиссер Айнур Асҡаровтың "Өс таған" фильмы яҙ айында киң прокатҡа сыға. Тамашасылар уны 4 марттан Башҡортостан һәм Татарстан кинотеатрҙарында ҡарай аласаҡ. Ошо хаҡта фильмдың режиссеры социаль селтәрҙәрҙә хәбәр итә.
"Өс таған" фильмы - Мостай Кәрим әҫәре буйынса күптән төшөрөлгән картина. Уның исем туйы пандемияға бәйле билдәһеҙ ваҡытҡа тиклем кисектерелгәйне. Фильм, ниһайәт, тамашасылар хөкөмөнә сығарыла.
- Ике йыл дауамында фильм өҫтөндә 50-ән ашыу кеше эшләне. Картина сифатлы тауышлы буласаҡ. Шулай уҡ төшөрөү оҫталығын да юғары баһалайым. Картинаға һалынған музыка ла IMAX залында күрһәтеүгә ярай, - тип яҙа Айнур Асҡаров.