Вирус тағы 167 кешегә йоҡҡан

Пандемия башланғандан алып 19 ғинуарға ҡарата республикала коронавирус йоҡтороусылар 22 235 тәшкил итә. Тәүлек эсендә сир 167 ауырыуҙа асыҡланған.

Пандемия башланғандан алып 19 ғинуарға ҡарата республикала коронавирус йоҡтороусылар 22 235 тәшкил итә. Тәүлек эсендә сир 167 ауырыуҙа асыҡланған.

Әлеге мәлдә стационарҙарҙа 834 сырхау ковид вирусына ҡаршы алыша. 56-һы ауыр хәлдә, 17-һе яһалма һулыш аппараты ярҙамында тын алырға мәжбүр. Сирҙе сағыштырмаса еңел үткәреүсе 4 492 яҡташыбыҙ өйөндә дауалана.

Аҙаҡҡы тәүлектә, шәфҡәтһеҙ ауырыуҙы еңеп, дауахананан сығыусылар – 173. Республикала унан барлығы 16 743 кеше һауыҡҡан.

Һаулыҡ һаҡлау министрлығы аҙаҡҡы тәүлектә коронавирустан донъя ҡуйыусылар булмауын билдәләй.

Министрлыҡта шулай уҡ дауахананан тыш пневмония диагнозы кисәле-бөгөнлө 248 ауырыуға ҡуйылыуы, 176 кеше, унан сәләмәтләнеп, стационарҙан ҡайтыуы хаҡында ла әйтеп үттеләр.

Автор:Альмира Кирәева

Читайте нас: