Ҡарабах һуғышының әсирҙәре аныҡлана

Таулы Ҡарабахта һуғыш Рәсәй Президенты Владимир Путин, Әзербайжан Президенты Илһам Әлиев һәм Әрмәнстан премьер-министры Никола Пашинян 2020 йылдың 10 ноябрендә ҡул ҡуйған килешеү нигеҙендә туҡтағайны. Бөгөнгө көнгә тиклем әсир төшкән һалдаттарҙың барыһы ла ҡайтарылмаған. Йыл йомғаҡтары буйынса биргән матбуғат конференцияһында Рәсәйҙең Сит илдәр эштәре буйынса министры Сергей Лавров, әле Әжербайжан менән Әрмәнстан яғы әсирҙәр исемлеген аныҡлай, дәүләт башлыҡтарының үҙ өҫтәренә алған йөкләмәһенә ярашлы, улар тулыһынса үҙ илдәренә ҡайтарылырға тейеш, тип белдерҙе.