Вирус мәкерле эшен дауам итә

10 ғинуарға ҡарата Башҡортостанда аяуһыҙ вирусты йоҡтороусылар 20 736 иҫәпләнә. Тәүлек эсендә сир 165 кешелә асыҡланған.

Әле стационарҙарҙа 671 ауырыу COVID-19-ға ҡаршы дауа ала. 45-е ауыр хәлдә, 11-е – яһалма һулыш аппаратында.

Сирҙе сағыштырмаса еңел үткәреүселәр өйҙә дауалана. Ундайҙар – 4 430.

Үткән тәүлектә 74 кеше дауахананан сыҡҡан. Йәмғеһе 15 480 яҡташыбыҙ коронавирустан һауыҡҡан.

Табиптар аҙаҡҡы тәүлектә дауахананан тыш пневмония менән ауырыусыларҙың кәмерәк булыуын билдәләй: был диагноз 181 сырхауға ҡуйылған (9 ғинуарҙа – 201, 8-ендә 207 ине). Һуңғы 24 сәғәттә үпкә ялҡынһыныуынан 177 кеше сәләмәтләнгән.