Туҡта, алама вирус!

Башҡортостанда 2 ғинуарға ҡарата коронавирус йоҡтороусыларҙың дөйөм һаны 19 403 тәшкил итә.

Башҡортостанда 2 ғинуарға ҡарата коронавирус йоҡтороусыларҙың дөйөм һаны 19 403 тәшкил итә. Үткән тәүлектә тағы ла 169 ауырыу өҫтәлгән.

Республика стационарҙарында әлеге мәлдә 741 сирле COVID-19-ға ҡаршы дауа ала. Амбулатор шарттарҙа дауаланыусылар – 3 361.

Аҙаҡҡы тәүлектә өс кеше дауахананан сыҡҡан. Төбәгебеҙҙә коронавирустан һауығыусылар барлығы – 15 156.

Һуңғы 24 сәғәттә аяуһыҙ инфекциянан үлем осраҡтары теркәлмәгән. Пандемия башланғандан алып унан барлығы 145 яҡташыбыҙ донъя ҡуйған.

Кисәле-бөгөнлө үпкә ялҡынһыныуы 307 сырхауҙа асыҡланған, 252 кеше, был сирҙән сәләмәтләнеп, дауахананан ҡайтҡан.

Автор:Альмира Кирәева

Читайте нас: