Афәт тағы өс ғүмерҙе өҙҙө

COVID-19 тәүлек эсендә 167 сырхауҙы аяҡтан йыҡҡан, 367 яҡташыбыҙҙа пневмония раҫланған.

Коронавирус йоҡтороусыларҙың дөйөм һаны – 18 562, тип хәбәр итә республиканың Һаулыҡ һаҡлау министрлығы.

Әлеге мәлдә дауаханаларҙа 878 ауырыу зәһәр вирусҡа ҡаршы алыша. 71-е ауыр хәлдә, 12-һе – яһалма һулыш аппаратында. Участка табибы билдәләгән дарыуҙар менән өйҙә дауаланыусылар – 3 005.

Үткән тәүлектә 43 кеше, коронавирустан ҡотолоп, стационарҙан сыҡҡан, пневмониянан 301 яҡташыбыҙ һауыҡҡан.