Яңы йоғошло ауырыуҙар үҙәге тәүге пациенттарҙы ҡабул итте

Кисә Стәрлетамаҡ ҡалаһындағы яңы йоғошло ауырыуҙар үҙәге тәүге 12 пациентты ҡабул итте. Сменаны ете табип, 38 шәфҡәт туташы, ике санитарка башлап ебәрҙе.

Клиника артабан бер-бер артлы килеүсе ауырыуҙар менән тула барасаҡ.

Яңы дауаханала йоғошло сирҙәр, терапия, хирургия, акушер-гинекология йүнәлештәре буйынса медицина ярҙамы күрһәтеләсәк. Үҙәктәге диагностика бүлеге, лаборатория һәм бактериологик лаборатория, дарыухана, дезинфекция һәм стерилләштереү бүлектәре лә яҡын көндәрҙә эшләй башлаясаҡ.

Фото "Башинформ"дан алынды.