Ҡырым һыуға туйынырмы?

Үткән матбуғат конференцияһы барышында Президент Владимир Путин, ярым утрауҙа һыу мәсьәләһе хәл ителәсәк, уның өсөн аҡса йәлләмәйәсәкбеҙ, тине.

Севастополь ҡалаһы губернаторы Михаил Развожаев хәбәр итеүенсә, быйыл ҡоролоҡҡа бәйле хәл үтә лә киҫкен икән. Әле Ҡабыков карьерында тупланған һыуҙы ҡалаға бирә башлағандар. Шулай уҡ яҙғы ташҡын һыуын йыйыу маҡсатында Бельбек йылғаһында махсус ҡоролма төҙөлә. Унда эштәр 1 мартта тамамланырға тейеш, тип белдерә етәксе.