Мәкерле вирус һаман бирешмәй

Тәүлек эсендә республикала коронавирус менән сирләүселәр 159-ға артҡан. 20 декабргә ҡарата COVID-19-ҙы йоҡтороусылар йәмғеһе 17 260 иҫәпләнә.

Тәүлек эсендә республикала коронавирус менән сирләүселәр 159-ға артҡан. 20 декабргә ҡарата COVID-19-ҙы йоҡтороусылар йәмғеһе 17 260 иҫәпләнә. Башҡортостандың Һаулыҡ һаҡлау министрлығы аяуһыҙ сирҙең аҙаҡҡы тәүлектә тағы ике ауырыуҙың ғүмерен өҙөүе, унан вафат булыусылар 122-гә етеүе хаҡында хәбәр итә.

Республика стационарҙарында әле 825 сырхау коронавирусҡа ҡаршы көрәшә, шуларҙың 59-ы ауыр хәлдә. Өйҙәрендә дауаланыусылар – 2 605.

Бер тәүлектә 25 кеше, мәкерле сирҙән ҡотолоп, дауахананан сыҡҡан. Пандемия башланғандан алып коронавирустан һауығыусыларҙың дөйөм һаны – 13 708.

Дауахананан тыш пневмонияға килгәндә, ул кисәле-бөгөнлө 395 сырхауҙа асыҡланған, 368 кеше унан һауыҡҡан.

Автор:Альмира Кирәева

Читайте нас: