Һуңғы тәүлектә 226 кеше һауыҡҡан

Башҡортостан Һаулыҡ һаҡлау министрлығы мәғлүмәттәре буйынса, республикала аҙаҡҡы тәүлектә бығаса булғандан байтаҡҡа күберәк – 226 кеше һауығып, дауахананан сыҡҡан

Башҡортостан Һаулыҡ һаҡлау министрлығы мәғлүмәттәре буйынса, республикала аҙаҡҡы тәүлектә бығаса булғандан байтаҡҡа күберәк – 226 кеше һауығып, дауахананан сыҡҡан. Зәһәр инфекциянан сәләмәтләнеүселәрҙең дөйөм һаны 13 372 тәшкил итә.

Әлеге мәлдә дауаханаларҙа 795 ауырыу ята, шуларҙың 56-һының хәле ауыр, 12-һе яһалма һулыш аппаратына тоташтырылған, тип хәбәр итә табиптар. Участка табибы билдәләгән дауаны өйҙәрендә алыусылар – 2 351.

Тәүлек эсендә коронавирус йоҡтороусылар кисәгенән икәүгә күберәк – 157. Мәкерле вирусты эләктереүселәр республикабыҙҙа барлығы 16 629 иҫәпләнә.

Бер тәүлектә тағы ла өс яҡташыбыҙҙы юғалттыҡ, ковидтан вафат булыусылар хәҙер 111 булып китте.

Кисәле-бөгөнлө 396 ауырыуға дауахананан тыш пневмония диагнозы ҡуйылған, 403 кеше, был сирҙән һауығып, дауахананан өйөнә ҡайтҡан.

Автор:Альмира Кирәева

Читайте нас: