Президентҡа һорау бир

Киләһе аҙнаның кесе йомаһында ил етәксеһенең йыл да үтә торған пресс-конференцияһы була. Әле һорауҙар туплау бара.

Һорауҙы телефонға ҡуйылған "Москва-Путину" махсус ҡушымта (приложение) аша текст йә видеояҙа рәүешендә ебәрергә мөмкин. Бының өсөн телефон ҡушымтаһы ярҙамында теркәлеү үтергә, исем-шәрифеңде һәм телефон номерыңды күрһәтергә кәрәк.

Үткән ике көндә алынған мөрәжәғәттәрҙең күпселеге пенсия, өлөшсөләр (дольщики) хоҡуҡтары һәм дистанцион уҡыу мәсьәләләренә ҡағыла, тип хәбәр итә "Россия 24" каналы. Ә иң әүҙем төбәктәр исемлеген Мәскәү, Краснодар крайы, Тула өлкәһе һәм Карелия башлап тора икән.