15 меңдән артып киттеләр

Пандемия башланғандан алып республикала коронавирус йоҡтороусылар 15 меңдән артып китте: 6 декабргә ҡарата улар 15 121 иҫәпләнә. Аҙаҡҡы тәүлектә сир 146 яҡташыбыҙҙа табылған.

Стационарҙарҙа әлеге мәлдә 596 ауырыу ята. Ауыр хәлдәгеләре – 45, яһалма һулыш аппараты ярҙамында тын алыусылар – 12. 2 020 сырхау сирҙе еңел кисерә һәм өйөндә дауалана.

Тәүлек эсендә 18 кеше дауахананан сығарылған. Коронавирустан һауығыуға өлгәшеүселәр барлығы – 12 415.

COVID-19-ҙан тағы ике ғүмер өҙөлөүе хаҡында билдәле булды. Төбәгебеҙҙә унан вафат булыусылар 90-ға етте...

Көн һайын үпкә ялҡынһыныуы менән сирләүселәр ҙә арта. Аҙаҡҡы тәүлектә пневмония 389 сырхауҙа асыҡланған, шул уҡ ваҡытта 396 кеше, унан ҡотолоп, стационарҙан ҡайтҡан.