Республикаланың СПИД-ҡа ҡаршы үҙәге – илдә иң яҡшыларҙың береһе

Рәсәй Һаулыҡ һаҡлау министрлығы 1 декабрҙә, Бөтә донъя СПИД-ҡа ҡаршы көрәш көнөндә, “СПИД-ҡа ҡаршы көрәш буйынса иң яҡшы үҙәк” конкурсына йомғаҡ яһаған. Еңеүселәрҙе эксперттар һәм НКО вәкилдәре билдәләгән. Иң яҡшылар араһына шулай уҡ Ямал-Ненец округындағы һәм Санкт-Петербургтағы шундай үҙәктәр ингән.

Башҡортостанда 1987 йылдан башлап, йәғни бөтә күҙәтеү осоронда, 35,7 мең ВИЧ-йоҡтороусы асыҡланған, тип билдәләй “Башинформ”. 2020 йылдың ноябре аҙағына республикала бындай диагнозлы ауырыуҙар 21,2 мең тәшкил иткән. 2020 йылдың ғинуар-ноябрендә Башҡортостанда сирҙең 1 820 осрағы теркәлгән. Был үткән йылдың шул уҡ осоро менән сағыштырғанда 29 процентҡа тиерлек аҙыраҡ.