Башҡортостан Һаулыҡ һаҡлау министрлығы аҙаҡҡы тәүлектә республикала коронавирус инфекцияһы 134 ауырыуҙа раҫланыуы хаҡында хәбәр итә. 26 ноябргә ҡарата уны йоҡтороусыларҙың дөйөм һаны 13 715 иҫәпләнә.
1 507 сырхау өйөндә дауаланһа, стационарҙа ятыусылар – 438. Шуларҙың 36-һы һаман да ауыр хәлдә, 12-һе – яһалма һулыш аппаратында.
Бөгөнгө көн республикабыҙ халҡына күңелһеҙ хәбәрҙәр алып килде: COVID-19-ҙан һуңғы тәүлектә ике ауырыу вафат булған. Пандемия башланғандан алып вирус 78 яҡташыбыҙҙың ғүмерен өҙҙө.
Кисәле-бөгөнлө коронавирустан һауыҡҡан 76 кеше дауахананан сыҡҡан.
Республикала үпкә ялҡынһыныуы менән ауырыусылар ҙа арта. Үткән тәүлектә был сир 418 сырхауҙа асыҡланған. Аҙаҡҡы 24 сәғәттә унан ҡотолоп, стационарҙан ҡайтыусылар – 423.
Рәсәй буйынса тәүлек эсендә 25 487 кеше коронавирус йоҡторған, шул уҡ ваҡытта 524 ауырыу унан донъя ҡуйған...