Республикала ноябрь аҙағы ғәҙәттәгенән бер градусҡа йылыраҡ була

Башгидрометта 30 ноябргә тиклем уртаса һауа температураһы тураһында мәғлүмәт бирҙеләр.

Рәсәйҙең Гидрометеорология үҙәге белдереүенсә, ноябрҙең өсөнсө декадаһында Башҡортостан Республикаһында уртаса һауа температураһының норманан бер градусҡа юғарыраҡ булыуы көтөлә.

Алдағы көндәрҙә Башҡортостанда бер аҙ ҡар яуыуы фаразлана. Урыны менән һауа температураһы 20 градусҡаса һыуыта.

"Башинформ" мәғлүмәт агентлығы.